सुर्खेत । मातृभूमि लघुवित्त वित्तीय संस्था लिमिटेड, अनुगमन कार्यालय भेरीगंगा सुर्खेतअन्तर्गत भेरीगंगा शाखाले स्वर्गीय सदस्य प्रेमबहादुर परियारको परिवारलाई बीमा सुविधा रकम हस्तान्तरण गरेको छ।
भेरीगंगा नगरपालिका–१०, मदानीचौरस्थित स्वर्गीय परियारको घरमा आयोजित कार्यक्रममा उहाँको निधनपश्चात् परिवारलाई रु. ६ लाख ९३ हजार ४ सय २० बराबरको बीमा सुविधा रकम प्रदान गरिएको हो।
मातृभूमि लघुवित्त भेरीगंगा शाखाको केन्द्र नं. ११७ का सदस्य रहेका परियारको निधनपछि संस्थाले बीमा सुविधाअन्तर्गत प्राप्त रकम परिवारलाई हस्तान्तरण गरेको जनाएको छ।
बीमा सुविधा वितरण कार्यक्रममा संस्थाका अनुगमन प्रमुख केशव राज शर्मा, शाखा प्रमुख याम कुमारी डि.सी., EDO सागर खड्का लगायत शाखामा कार्यरत कर्मचारी, वडा सदस्य गोपाल बनगाडी, टोल विकास समितिका अध्यक्ष दिलमाया वली तथा समाजसेवी डल्ली कुमारी सिंहको उपस्थिति रहेको थियो।
कार्यक्रममा संस्थाका प्रतिनिधिहरूले सदस्यको निधनबाट शोकमा रहेको परिवारप्रति समवेदना व्यक्त गर्दै कठिन परिस्थितिमा आर्थिक राहतका रूपमा बीमा सुविधा उपलब्ध गराइएको बताएका थिए। सदस्य तथा परिवारको सुख–दुःखमा साथ दिने र सामाजिक उत्तरदायित्वलाई प्राथमिकतामा राख्ने संस्थाको प्रतिबद्धता रहेको उनीहरूको भनाइ थियो।
बीमा सुविधाबाट प्राप्त रकमले शोकसन्तप्त परिवारलाई आर्थिक सहयोग पुग्ने विश्वास गरिएको छ। सदस्यहरूको वित्तीय सुरक्षा र सुरक्षित भविष्य सुनिश्चित गर्ने उद्देश्यले लघुवित्त संस्थाले बीमा तथा सामाजिक सुरक्षासम्बन्धी कार्यक्रमलाई निरन्तरता दिँदै आएको जनाएको छ।
प्रतिकृया दिनुहोस